Za wučerjow a nawodow skupin

„Šćežka Ćišinskeho“ hodźi so idealnje za pućowanske abo projektowe dny šulerjow, wulěty towarstwowych skupin a podobne skupiny. Za tym, kak intensiwnje so poskitk wužiwa, móže so z nim cyłe dopołdnjo abo popołdnjo wupjelnić.

Kompletny material


Nawodźa skupin, kotřiž chcedźa sej k wěstosći do pućowanja kompletny material „Šćežki Ćišinskeho“ (awdija, teksty, karty, doporučenja etc.) wobstarać, móža to přez

Přihoty


Zeznajomće so w předpolu z materialom, redukujće jón po potrjebje, wuwědomće sej wotběh hrow (jenož w poskitkomaj za šulerjow) a čaru. Wupruwujće techniku. Napjelńće aku techniskich nastrojow.

Trěbny ekwipment


  • smartfon abo tablet z mobilnym internetom
  • QR-scanner (dźe tež bjez njeho)
  • mobilny (bluetoothowy) wótřerěčak
  • ewtl. wućišć kompletneho materiala a na mobilny nastroj přenjesene awdijo-dataje (hlej horjeka „Kompletny material“) – za wšě pady, jeli technika zapraji

Dalše utensilije njejsu trěbne, tež nic za hry.

Busowe zwiski / parkowanišćo


busowej zastanišći:

  • při prěnjej staciji: Pančicy-Kukow, Róžeńčanska dróha (linija 195)
  • při poslednjej staciji: Pančicy-Kukow, Šula (linije 102, 186, 191)

parkowanišćo (tež za busy):

  • na kromje wsy, směr Budyšin: 550 m wot prěnjeje stacije, 600 m wot poslednjeje stacije zdalene

Zastaranje z jědźu


móžnosće za piknik:

  • po 5. staciji (Pančicy-Kukow, Lipjo): blido z ławkomaj
  • před 6. staciju: pólny pućik mjez Kanecami a Wotrowom
  • njedaloko 10. stacije (Pančicy-Kukow, při šuli/busowym zastanišću): blido z ławkomaj

wobjed/swačina (do toho so wobhonić):

  • Pančicy-Kukow: tři hosćency, třo pjekarjo, dwaj rěznikaj, kofejownja
  • Wotrow: pjekar